سؤال جه فى بالى

ازاى نحب وممكن نحب مين اكتر نفسنا ولا حبيبنا ؟
* ازاى نحب الحب مش بيتعلم يا روح الحب احساس فطرى فى الطبيعه البشريه حتى الحيوان بيحب
* ممكن نحب اللى قلبنا يدلنا عليه.... الانسان اللى يحب نفسه يبقى انانى واللى بيحب بجد بيحب الحبيب اكتر من الدنيا كلها وبالذات اكتر من نفسه

وهل الحب كلام اغانى زى مابنسمع واو قصص افلام ؟* عمر الحب ما كان كلام قصص او اغانى الحب ده ربنا خلقه زى ما خلق الكره والعطف والحنيه وكل المشاعر (( بس مين اللى يحب بجد ))

وهل الحب واقع ولا خيال؟* الحب واقع اكيد بس بيكون خيال عند البنى ادم المجرد من الاحاسيس البنى ادم اللى خلى قلبه من كل المشاعر الرقيقه الطيبه حتى كلمه الحب ذكرت فى القرآن الكريم (( كلمه يحب )) وهذا اكبر دليل

وهل يوجد حب حقيقى ولا كان موضه وبطلت ؟*الحب موجود منذ بدأ الخليقه وسيظل حتى نهايه العالم ... بس فى ناس هى اللى غيرت معنى الحب وغيرت فكره الناس وخلت الناس تكره الحب بالرغم من وجوده بداخلهم

ولو حبينا بجد ممكن نضحى بايه عشان اللى بنحبه ؟* التضحيه مش بتتقال ولا بتنقاس بمعيار او شىء محدد التضحيه ممكن تكون بكلمه بنظره لكن لو حبيتى تعرفى الانسان اللى بيحب بجد ممكن ان يضحى بعمره كله فداء لحبيبه

وازاى نثبت للى بنحبه اننا بنحبه بجد ؟
* اثبات الحب مش بالكلام بالفعل بس ممكن نثبتله ده بحاجه واحده انا شايف انها اهم شىء فى الحب او فى الوجود كله وهى (( الحنيه )) لان الحنيه هى اطهر واطيب المشاعر الموجوده فى البشر الذى تجعل الانسان ملكا ومليكا لمن يحب هذه وجه نظرى الشخصيه


وازاى نعرف ان اللى بنحبه بيحبنا ولا كلام ؟* ده اهم سؤال والاجابه عليه استحاله واتحدى اى شخص فى الدنيا انه ممكن يجاوب عليه مهما كانت معرفته لان هذا يتفاوت من كل شخص لاخر حسب شخصيته وتركيبته ... ولكن كل ما اقدر ان اقوله ان الافعال هى التى تثبت حبه من عدمه


اتمنى ان اكون قد افدتك بهذه المعلومات
(( هذه وجه نظرى الشخصيه ولا افرضها على احد )) تقبلى ردى ومرورى اختى الغاليه