ازاى تتعامل مع خطيبتك

1 ـ خليك دايماً على اتِّصال بخطيبتك؛ للاطمئان عليها، ومفيش مانع من كلمة حلوة؛ لأن الموضوع ده

هيترك أثر جامد في نفسها.

2 ـ حسّسها دايماً إنها أحلى بنت في الوجود، وإن دي فعلا البنت اللي كنت بتتمناها من زمان.

3 ـ انتهز أي فرصة وهات لها هدية حتى لو بسيطة؛ لأن الهدايا بتقرّب المسافات، وبتفرّح أي حد.

4 ـ تجنب أي تصرف يدلّ على العنف والتهور، زي لما تكونوا خارجين وحدّ يبص لها تقوم تضربه

أو تتخانق معاه.. يعني من الآخر كده: خليك جنتل مان في كل تصرفاتك.

5 ـ راعي مشاعرها في تصرفاتك، واوعى تبص أو تعاكس أو حتى تمدح في بنت تانية قُدّامها.

6 ـ حسّسها دايماً بإنك قادر على تحمُّل مسئولية الحياة بعد الجواز، وده عن طريق إنك تتكلم معاها

في أمور الحياة، وتديها آراء جادة، دون الاعتماد على آراء الآخرين.. يعني مش لما تسألك على حاجة تقول لها:

معرفش.. لما أسأل بابا أو أسأل ماما؛ لأن الكلام ده ممكن إنه يضايق أي بنت، ويحسّسها إن خطيبها غير قادر على

تحمل المسئولية.

7 ـ اشرح لها إمكانياتك المادية وطموحك اللي ناوي تحققه في ضوء الإمكانيات دي من غير كدب أو

تزييف.

وفي النهاية أحب أقول لكل ولد وبنت مخطوبين حاجتين اتنين وبس:

الحاجة الأولى:

وهي إن كل طرف يكون عنده استعداد يتغيّر للحاجة اللي بيحبها الطرف التاني، وحابب إنه يشوفها

فيه.. وخاصة إذا كان التغير ده هيكون للأحسن.

الحاجة التانية:

بلاش التسلط ومحاولة فرض الرأي بدون أسباب منطقية.. ومفيش طرف يدي قرارات للطرف التاني

على شكل أوامر إذا لم تنفذ فإن العقاب سوف ينزل..

تسلم ايدك شهوده

في انتظار روائعك

دمتي في حفظ الله

ازاى تتعامل مع خطيبتك Post-34989-1194799975

تسلم ايدك يا شهود على الموضوع الرائع
وفى انتظار ك بكل جديد

ازاى تتعامل مع خطيبتك A8aca95d37x

مشكوره يا شهود على الموضوع الجميل ونتمنى المزيد

انا الموضوع لو قولت عاجبنى
هابقى كداب

بس اتمنى منك المزيد والاحسن

وانا اسف على صراحتى

وشكرا

sasa

موضوع جميل

بس ياريت تعملى موضوع ( كيف تعاملى خطيبيك) لان تقريبا فى اغلب الاوقات بيكون
الشاب هوة الى مطالب ودة ممكن لانو هوة الراجل وهوة الى بيشيل المسؤليه بس برضو الشبا بيحي يحس ان فى حد جمبو وبيحس بيه وعندو استعداد يضحى علشانو
يعنى بلاحظ ان معظم المواضيع ( كيف تعامل خطبتيك - كيف تعامل مراتك - كيف تعامل حبيبتك ) نفسى اشوف مواضيع تكون العكس ( كيف تعاملين خطيبيك - كيف تعاملين زوجيك ) ومنكرش انها موجودة بس للاسف قليلة .
واشكرك مرة تانية على الموضوع الجميل والى بايديك فيه جدا ان المفروض الراجل يكون دايما مصدر امان للبنت ويتصرف معاها بصدق والرسول ( ص) اوصانا بالمراة خير .
والرجولة ليست الصوت ولا العنف انما الرجولة هية الادب ومراعاة الغير وحسن معاملة الاخرين والوقوف دائما فى صف الخير .
( لا اله الاالله والحمد لله ولا حول ولا قوة الا بالله والله اكبر )
Embarassed

مشكور ماروو على المشاركه

» كيف تتعامل مع الطفل المزعج؟
» ازاى تخلى ربنا يحبك