ازااي تعكننى على جوووزك

الطريقة الأولى ...

** عند التلفزيون **

من المعروف دايما أن البرنامج المفضل لدى الرجل هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... لو شفتيه في قمة الحماس والتركيز يعني مثلا لو حصل زلزال وهوا مش حاسس او انفجرت قنبلة وراه وهوا ولا هنا اعملي كدا ... اعملي نفسك سعتها ( ست البيت النشيطه ) وجيبي منظف الزجاج مع الفوطه .. ويلا يا مسح..وهاتك يا نضافة.. ترشي الشاشه منظف وامسحي بحركه دائريه على الشاشه وحاولي انك ما تخليهوش يشوف ( ودي اهم حاجة )

ولو قالك ابعدي قولي : مش فاضيالك... بامسح وانظف .. طبعا مع البصة الي تفرس بتاعه كل بنت

ثانيا...

هاتي بعد كدا المكنسه الكهربائيه في المكان الي هو موجود فيه وابدأي بالكنس وحاولي من لحظه للحظه تكنسي قدام التلفزيون ولو قال : ابعدي والا هتلاقي الفازة او الطربيزة في وشك ..قولي : ما تقدرش لانك هاتضطر تجيب غيره !!!!! بردو مع البصة المستفزة بتاعه البنات

ثالثا...

والأحسن انك تقعدي وتعملي نفسك متابعه بعدين تصوتي فجأه وتقولي : يالهويييييييييييي نسيت الكيكة في الفرن وهيلا هوب من مكانك وبعدين اجري ناحية المطبخ وحاولي انك اثناء الجري تفصلي سلك التلفزيون برجلك

** عند النوم **

وأولا...

إذا زوجك بيشخر .. نكدي عليه نومه , اازاي؟؟ دخلي عليه كل اطفالكم وأطفال جيرانكم وبعدين... اقفلي عليهم الباب ... وسيبي الباقي عليهم . مش هيقصرو ... ماشاء الله عليهم ..

أو : إذا كان نايم ومش حاسس بالي حواليه.. تعالي وبدون مقدمات خضيه خضة تخليه يقطع الخلف فيها ... وقولي له بكل برووود : انت نمت يا حبيبي

ثانيا...
هناك طرق أخرى لرفع الضغط أثناء النوم وهي أخف ضررا على الطرفين ... منها :

- إطفاء المكيف في عز الحررر .

- فتح ستائر الغرفه حتى يدخل ضوء الشمس المعمي للعين ..

( ويفضل عمل الفقرتين السابقتين في وقت الظهر ..)

- لابأس من إضافه بعض من قطرات الماء في الأذن .

لو شفتيه مالوش خلق ومقفله معاه ماتخافيش... بالعكس دي فرصتك تنتقمي منه يعني اخنقي عليه ( خلي دمك ثقيييييييييل )

بس خلي بالك من اللحظة دي من حركة ايدو لان ممكن تلاقي طبق او كرسي لابس في وشك .. ولازم تكوني مجهزة نفسك بمفتاح الاوضة.. ماتعرفيش ايه الي ممكن يحصل ( يا غالب يا مغلوب )

المهم..

اضحكي على شكله او هدومو او قعدتو .. اكيد هيقولك ابعدي عن وشي دلوقت انا ماعنديش خلق ليكي ,
انتي ماتسكتيش قوليله :
ولو ماسكتش هتعمل اييييييه ؟؟؟

طبعا هوا هيقوملك وهيوريكي هيعمل ايه.. انتي في الوقت ده امسكي هدومك في سنانك واهربي على الأوضة ... وطلي عليه من الباب وقوليله ههههههههههههاااااي
اهم حاجة رفعت ضغطك وقومتك من مكانك هههههههههههاااااي

***وقت الخناقة ***

لو جالك يوم وفي راسك شر وعايزة تتخانقي معاه
جهزي الحاجات دي واعملي الي هقولك عليه

لمي شعرك كويس واربطيه او حطي عليه جل المهم
جهزي نفسك للجريييييييييي

جهزي مفتاح اوضتك وياريت يكون في جيبك على طول
طول ما انتي بتسمعي كلام واحدة زيييي

لو بدأت المعركه حطي راسك براسه وماتبينيش انك خايفه وحمري عنيكي وقوليله اية انت مش فاكر اني ممكن ادافع عن نفسي يا روحي وبالرسية و اديلوا طخخخخخخخخخخخخ ........

ماتستسلميش اديلو بوكككككككس على عينة الاتنين علشان مايشوفش قدامو وخدي ديلك في سنانك وهاتك يا جريييييييي

وعلى طووووووووول لاوضتك اللي مجهزة مفتاحها من قبل كدا واقفلي على نفسك .. ويادار مادخلك شر...
بس نصيحه اقعدي يومين لايشوفك ولا تشوفينه لانه عايز ينتقم لكرامته وبيوريك النجوم مش في عز الظهر بس لا دة هيورهملك طول اليوم ...

طبعا يا عزيزتي
عرفتي دلوقت ازاي تعكنني على الراجل

اسيبكو بقى تذاكرو الموضوع كويس
وتنفذو الي فيه بالحرف الواحد

حرااااااااااام عليكى بقه هى ناقصه الله Shocked

كفايه ضغط الحياه علينا الله ربنا يهديكى يا قمر

ههههههههههههه ايه ده ياقمر وليه كل العكننه ده

ماخلينا لطاف احسن

تسلم ايدك حبيبتي

في انتظار نصايحك اللي هتودينا ورا الشمس هههههههههههه

دمتي في حفظ الله

ايون كدا عرفينى
هههههههههههههههههههههههه
مشكورة

مشكورة يا اختي عل هذه النكت الحلوى

هههههههههههههههههههههههههه

حرام عليكى زهقتى الرجالة فى عشضتهم

مشكورة كتير ع الموضوع طيف القمر

اوعى بتكونى بتعملى معاه كدا
انا هابقى مجهز عربيه الاسعاف علشان لو فى المعركه خساير نلحقها
المهم موضوع جميل ومشكور عليه
ويارب تنزلى مواضيع تانى بس مش بالعكننه ده